Blogs

ስራሽ ምንድነው?

mul

ስራሽ ምንድነው?

ሁሌ ስራ ሳመለክት የሚያጋጥሙኝ ተመሳሳይ ጥያቄዎች ያርጋጥሙኛል ከዚህ በፊት ምን ኣይንት የስራ መድብ ሰርተሻል፣ በቀን ስንት ሰዓት ትሰሪ ነበር እና የትምህርት ደረጃሽ ምንድነው የሚሉ እና የመሳሰሉትን ጥያቄዎችን መልሼ ሳበቃ ያቀረብኩት መረጃ ትክክል ሰለመሆኑ በፊርማዬ ኣረጋግጣለሁ የሚለው ላይ ፊርማየን ኣኖራለሁ እውነት ይሁን ሃሰት እናንተው ትነግሩኛላቹ ።
እኔ የ ፫ ልጆች እናት ነኝ በቀን ስምንት ተኩል ስዓት ብቻ ኣይደለም የምሰራው ቢያንስ ኣስራ ስድስት ሰዓታት እሰራለሁ ። የትምህርት ደረጃየን ስጠየቅ ክፍል ገብቼ ያጠናሁትን ነው የምዘረዝረው ነገር ግን ደመወዜን ኣስተዳድራለሁ ከወር ወር ኣብቃቅቼ እጠቀማለሁ ኣካውንታንት እና ኢኮኖሚስት ነኝ ብል፣ ኣምፖል ሲፈነዳ ጠረጴዛ ላይ ወጥቼ የመኪናየ ጎማ ሲበሳ ዝቅ ብየ እቀይራለሁ መካኒክነትም እሞክራለሁ፣ ልጆቼ እና ባሌ ሲታመሙ ሙቅ ሰርቼ ፣ዳማካሴ ኣስጠጥቼም ይሁን ባህርዛፍ ኣጥኜ ኣክማቸዋለሁ ዶክትር ቢጤም ነኝ፣ ልጆቼ ላይ የባህሪ ለውጥ ባየሁ ጊዜ ኣዋራቸዋለሁ እናም ኣማክራቸዋለሁ የስነልቦና ሃኪማቸውም ነኝ።
ትንሹ ልጄ ኣቅፌ ኣደግ ኣደግ ያሉትን ሲጫወቱ እንዳይወድቁ እና እንዳይጎዱ በዓይኔ እጠብቃቸውኣለሁ ምግብ እያበሰልኩ ኣለቃዬ በስልክ የሚያስተላልፍው መልእክት እቀበላለሁ፤ ለዚህ ስም ካላቹ እናንተው ተባበሩኝ ማጠብ ፣ኣልጋ ማንጠፍ፣ ቤት ማፅዳት፣ ሌላም ሌላም ሌላም።
እንግዲህ ስራሽ ምንድነው ብሎ ልሚጠይቀኝ ሰው መልሴ ባጭሩ ይሄ ሁሉ ነው

ያኔት አሰፋ

Leave a Reply

Your email address will not be published. Required fields are marked *